" ဆယ့်နှစ်လရာသီဘွဲ့ တေးထပ်များ ''

- July 20, 2019

" ဆယ့်နှစ်လရာသီဘွဲ့ တေးထပ်များ ''

ဆယ့်နှစ်လရာသီဘွဲ့ တေးထပ် ၁၂ပုဒ်ကို အမတ်ကြီးဦးပေါ်ဦး ကရေးသားခဲ့ပါသည်။

၁။ တန်ခူးလဘွဲ့ (တေးထပ်)

ဆဲ့နှစ်လီ ဒွါရမှာ
ခါမိဿ ရာသီ၊
ယင်းအစ ဦးချီသည်
လတွင်မည် တန်ခူး။
စိတြကြယ်ပြောင်ရယ်
ညဉ့်သန်းခေါင်ကျခါမှမြူး။

နေ့နှင့်ညဉ့် နာရီဝယ်
သုံးဆယ်စီ မကြူး။
နှစ်လုံးညီ တပါဒ်ကူးလို့
နှစ်သစ်ဦး အခါ။
ပန်းဂန့်ကော် ရွှေရင်ကတ်ကယ်တို့
ဖူးပွင့်ချပ် စီလို့သာဖြာ။

ထည့်သုံးဘဝါး ရိပ်ဆာယာမှာ
တူမကွာ မောင်မယ်နွှဲလို့
မြတ်သည့်ပွဲ သင်္ကြန်တော်
တီးခြိမ့်ခြိမ့်ကျော်။
ထီးကမ္ဗု ရိပ်ပျော်ဝယ်
ခေါင်းလျှော်တော် မူမြဲထင့်လေး။ ။

၂။ ကဆုန်လဘွဲ့ (တေးထပ်)

ခါပြိဿ ကဆုန်လမှာ
ဝိသာခ ယှဉ်မှီ၊
ဗာတ္တိံသ နေ့နာရီမှာ
အဋ္ဌ်စမ္မီ ညဉ့်ကူး။
လေးလုံးပြည့် နှစ်ပါဒ်လွန်သည်
မေဃဝန် မိုဃ်းသံကမြူး။

ပန်းပိတောက် မာလာငယ်
ရွှေစကဝါ ပွင့်ဦး။
ခိုင်ညှာတံ ရှက်ကူးလို့
ဆွတ်ခူးစို့ မောင်မယ်။
မြတ်စိန္တေ ရှင်တော်ဖျားမှာလ
ဝပ်တွားလို့ ရှိပန်ဆင်ရွယ်။

ဘဝါးနှစ် စွန်းကယ်သည်
သွင်နက်နွယ် ခင်လေးနှင့်
မွှေးနိုင်မျှ မေတ္တာရေ
သွန်းလို့မပြေ။
နွေရွန်းသစ် ဂိမှေငယ်
သွန်းညောင်ရေ ပွဲပေထင့်လေး။ ။

၃။ နယုန်လဘွဲ့ (တေးထပ်)
-----------------
လနယုန် မေထုန်အကျ
ကြယ်ဇေဋ္ဌယှဉ်လာ၊
ခြောက်လုံးနှင့် သုံးဒါဒ်ဖြာသည်။
ဆစမ္မာ ညဉ့်တွင်း
ဇောတြိ နေ့နာရီမှာ
ဉာဏ်ဇာနည် မျိုးမှန်ကလင်း။

မြတ်လေးပွင့် ငွေစပယ်ငယ်
ရှစ်ရပ်နယ် ပျံသင်း။
ရိပ်ဆာယာ ဧက်ကြွင်းမို့
မြတ်ရှင်ရင်း သံဃာ။
သုဓမ္မာ သာလာယမှာတဲ့
မေးဖြေကြ သူ့ထက်ငါသာ။

သည်တော့မှ မြညှာငယ်
ရွှေဖူးစာ ခိုင်ခိုင်မြဲရအောင်
စာပွဲတော် သည်သဘင်
ရှိဦးပန်ဆင်။
နတ်မာဃ သေနင်ငယ်
ပြင်ဆင်တော် မူမြဲထင့်လေး။ ။

၎။ ဝါဆိုလဘွဲ့ (တေးထပ်)

လဝါဆို မည်နာမ
ကာရက္ကဋ ရာသီ
ပါဒ်သုံးမှီသည်
ဇောစမ္မ ညဉ့်ကူး။
ဆတ္တိံသ နေ့နာရီမှာ
ကိုးလုံးပြည့်အာသဠီ မိုဃ်းလယ်ကမြူး။

ဘဝါးသုည မပေါ်ပါသည်
ပဉ္စင်းလျှာ အထူး။
ဉာတ်ကမ္မဝါ ယှဉ်ပူးလို့
သိမ်တော်ဦး အလယ်။
သာသနာ ဆင့်ဆင့်တိုးအောင်လို့
ကြိုးစားကြ မြတ်သာကိနွယ်။

ရဝေကြော့ ဘုံလယ်မှာ
ပင်ကိုယ်ထွားငယ်တို့
မြိတ်ဖါးဖါး ဆံကေသွယ်ကာ
ရင့်စပယ်ရုံးတင်လို့သာ။
ပုန်းညက်ပွင့် မာလာငယ်
ဆင်တော်ရာ ရွှေပန်းပလေး။ ။

၅။ ဝါခေါင်လဘွဲ့ (တေးထပ်)

သိဟ်ရာသီ ဝါခေါင်လမှာ
သရဝဏ္ဏ တူညီ
ဆဲ့တလုံး တပါဒ်ချီသည်
ဆစမ္မီ ညဉ့်ကူး။
ဇောတြိ နေ့နာရီမှာ
သံစုံချီ မိုဃ်းတွေကမြူး။

ခတ္တာပန်း မိုဃ်းစွေငယ်
ညှာတံရွှေ ပွင့်ဖူး။
ရိပ်ဆာယာ ဧက်ကြူးလို့
ပွဲတော်ဦး သဘင်။
စာရေးတံ စီမံကြ
ဆန်းနိုင်မျှ သည်ရာသီတွင်။

လေးနန္တ နယ်ခွင်မှာ
တို့မယ်ခင် စံပြိုင်မဲ့သူမို့
စာဘွဲ့လို့ မပြည့်စုံ
နန်းကြာရိပ်လှုံ။
မိုဃ်းဝဿ အမ္ဗုန်ငယ်
မာန်တဂုဏ် ပျိုးလိုက်လှလေး။ ။

၆။ တော်သလင်းလဘွဲ့ (တေးထပ်)

ကန်ရာသီ အမည်ရ
သစ်ဆင်းလ မာသာ
သတ္တဗိသျှ ကြယ်မဟာငယ်
တူမကွာ ယှဉ့်သုံး။
ဗာတ္တိံသ နေ့နာရီမှာ
အဋ္ဌ်စမ္မီ ညဉ့်မှန်ငဲ့ဘုန်း။

ဆဲ့သုံးလုံး နှစ်ပါဒ်လွန်သည်
စည်ဗုဇွန် ဆော်ဟုန်း။
ပန်းမာ ညှာချီရုံးလို့
ပွင့်ကြထုံး အခါ။
တေးတျာ သံပြိုင်ချီးပါလို့
ဟီးတိုက်ကြ သူ့ထက်ငါသာ။

ဘဝါးနှစ် စွန်းခါဝယ်
များသေနာ ဗိုလ်ပေါင်းနှင့်
အောင်မောင်း စည်တော်စင်
ဟီးခြိမ့်ခြိမ့်ပင်။
လေးကျွန်းလုံး ထိပ်တင်ငယ်
ရေသဘင် စံမြဲရှင့်လေး။ ။

၇။ သီတင်းကျွတ်လဘွဲ့ (တေးထပ်)

သောင်းဒီပါ ထိန်ညီးအောင်
ထွန်းဆီမီး ရောင်ညီ
သတင်းကျွတ် တူရာသီမှာ
အဿဝဏီ ကြယ်မင်း။

နေ့နှင့်ညဉ့် နာရီမှာ
သုံးဆယ်စီ မြဲမှန်ဘိခြင်း။

ဆဲ့ငယ်လုံး သုံးပါဒ်မှီတွင်
ကြာငါးမည် ကြိုင်သင်း။

ရာ့ထီးပိုင် ဘုရင်မင်းတို့
မြေနန်းရင်း ဗဟိုရ်။

ရွှေမြင့်မိုရ် တောင်တော်ပွဲကိုတဲ့
ခြိမ့်သဲအောင် ထွက်စံမြန်းကို။

တည့်သုံးဘဝါး ရိပ်ခိုဝယ်
ရင်စလို ရွှေခချပ်ကယ်နှင့်
အသားမြတ် ခိုင်နှစ်စုံ
ပန်းကြာပွင့်ငုံ။

မြင်ရသူ ဆတ်ဆတ်တုန်တယ်
မသေရုံ ကျန်ခဲ့ရှင်လေး။ ။

၈။ တန်ဆောင်မုန်းလဘွဲ့ (တေးထပ်)

မိုဃ်းဝသန် ချိန်ဆုံးလို့
တန်ဆောင်မုန်း ဗြိစ္ဆာ
ဘဝါးနှစ် စွန်းကာဝယ်
ကြတ္တိကာ ကြယ်မင်း။
ခဝဲပွင့် မာလာငယ်
သည်ချိန်ခါ မွှေးထုံပျံသင်း။

ဗာတ္တိံသ ညဉ့်နာရီ
အဋ္ဌ်စမ္မီ နေ့သွင်း။
မြောက်လေပြေ ဆော်ညှင်းလို့
အမင်းမင်း ရာဇာ။
ဉာတ်ကထိန် ခါသမယပေပို့
မဟာဒါန ပြုကြပေရှာ။

ဆယ်ရှစ်လုံး ပါဒ်သုညမှာ
သံသရာ နောင်အရေးကိုလ
ထောက်ထွေးကြံဆင်ခြင်
ကင်းလွတ်ကြောင်းအင်။
မြတ်ပုည အပေါင်းဆင်သည်
ကောင်းစွာပင် ပျော်ပွဲပလေး။ ။

၉။ နတ်တော်လဘွဲ့ (တေးထပ်)

ဆောင်းဟေမန် ခါအလုမှာ
မြတ်ဓနု ရာသီ
နတ်တော်လ သိင်္ဂီငယ်
ဆစမ္မီ နေ့ကူး။
ဇောတြိ ညဉ့်နာရီမှာ
မိဂသီ မိုဃ်းလယ်ကမြူး။

နှစ်ဆယ်က တပါဒ်မှီသည်
ဘဝါးငါးလီ ရိပ်ကြူး။
ရွှေသဇင် ပင်ပေါ်ဦးက
ဖူးပွင့်စ စီစီ။
နတ်ဒေဝီ ဆိုသည့်ပွဲကိုလ
ခြိမ့်သဲအောင် ပြုပြန်တော့သည်။

နှင်းသတ်တဲ့ ကြည်ချည်မှာ
တကိုယ်ရည် အကုန်ဆွေးစေဘို့
နတ်ရေးတဲ့ ရွှေဖူးစာ
လွှဲချက်ကနာ။
စက်မယ့်သူ ဝေးကွာသည်
ရှေးကြမ္မာ ကံဟောင်းထင့်လေး။ ။

၁၀။ ပြာသိုလဘွဲ့ (တေးထပ်)

လပြာသိုလ် မကာရမှာ
ကြယ်ဖုသျှ ယှဉ်လာ
ဒွါဝီသ ပါဒ်ဖြာငယ်
ရိပ်ဆာယာ ခြောက်ဘဝါး။
ဆတ္တိံသ ညဉ့်နာရီမှာ
ဇောစမ္မီ နေ့မှန်လျက်သား။

ထီးတရာ့ ဦးသျှောင်ငယ်
အာဏာရောင် စက်သွား။
ရန်တကာ ပယ်ရှား၍
တိမ်ညွှန့်စား မြင်းပျံ။
ရိန္ဒမာ လှံကိုစွဲပါလို့
မြင်းခင်းပွဲ သဘင်ခံ။

စုံတောဝ မြိုင်ယံမှာ
ဖူးပွင့်တံ ညှာသီရုန်းလို့
မင်းကေကုံး ဆင်ပါဆို
ပန်းမြခွာညို။
ကြငှန်းမြင့် နန်းတင့်တဲ့ပျိုရယ်
ပန်းပွင့်ကို ယူစမ်းပလေး။ ။

၁၁။ တပို့တွဲလဘွဲ့ (တေးထပ်)

ကုံရာသီ ယှဉ်နွှဲလို့
တပို့တွဲ မာသာ
ဇောဝီသ ပါဒ်သုံးဖြာသည်
ဘဝါးပဉ္စာ ရိပ်ကြူး။
ပေါက်လဲပွင့် မာလာငယ်
သည်ချိန်ခါ သင်းပျံ့ပျံ့မြူး။

ဆတ္တိံသ ညဉ့်နာရီမှာ
ဇောစမ္မီ နေ့ကူး။
စည်ခရာ တံမြွာကျူးပါလို့
အလှူးထူးသဘင်။
နှစ်အစဉ် သွေမလွဲပြီဘု
မီးပုံးပွဲ သည်ရာသီတွင်။

ကြယ်မာဃ မြူးရွှင်သည်
စန်းငွေစင် သော်တာလနှင့်
မြဲနိစ္စ တူမကွာ
ပူးယှဉ်လျက်ပါ။
သန်းခေါင်ညဉ့် ချိန်ခါဝယ်။
ရှိန်အဝါ ထွန်းပါဘိလေး။ ။

၁၂။ တပေါင်းလဘွဲ့ (တေးထပ်)

မိန်ရာသီ ခါပြောင်းလို့
လတပေါင်း တူညီ
ကြယ်ပြုဗ္ဗ ဘရဂုဏ္ဏီငယ်
ရောင်စုံချည် ရှက်သန်း။
သတ်ဝီသ ပါဒ်သုညာမှာ
ဘဝါးဆာယာ လေးခုသို့မြန်း။

ဗာတ္တိံသ ညဉ့်နာရီမှာ
အဋ္ဌစမ္မီ နေ့မှန်း။
ဖူးတံစီ ထွေဆန်းလို့
အင်ကြင်းပန်း ရွှေဖီ။
သဲစေတီ တည်စမြဲပေပ
သဘင်ပွဲ ဤလရာသီ။

ပဋ္ဌမပိုဒ် အစချီသည်
မကိုဋ်ညီ ဘုမ္မစိုးငယ်နှင့်
မြေနှင့်မိုဃ်း အလုံးစုံ
သိမ်းပိုက်လို့ခြုံ။
လာဘ်လာဘ ပြည့်စုံသည်
ဇာနည်ဂုဏ် ဉာဏ်မျိုးရှင့်လေး။ ။
....................................

(အမတ်ကြီးဦးပေါ်ဦး)